Հայ
Խաչիկ Ճանոյեան
Իրաքահայերու Ընտանեկան Միութեան Շաբաթօրեայ Վարժարանի Տօնական Փառաշուք Հանդէսը
Իրաքահայերու Ընտանեկան Միութեան Շաբաթօրեայ Վարժարանի Տօնական Փառաշուք Հանդէսը
Յունուար 10 , 2020 , 10:18

Յարատեւող ճիգին առջեւ

Չկայ բան մը որ դիմանայ,

Դժուարը դիւրին,

Անկարելին հնարաւոր կը դառնայ։

 

Ռէթէոս Պէրպէրեան

 

            Նոր Տարուան եւ Քրիստոսի մեծախորհուրդ եւ սքանչելի ծննդեան տօներուն առիթով, Շաբաթ, 21 Դեկտեմբերի առաւօտեան ժամը 9։30-ին Կլենտէյլի արուեստի վեհաշուք  կեդրոնին մէջ (324 N. Orange St. Glendale), տեղի ունեցաւ այս վարժարանի աւանդական ճոխ եւ խորիմաստ հանդէսը։

            Այդ օրը դպրոցի ծնողներէ, հիւրերէ, շրջանաւարտներէ, սաներէ եւ անցեալի ուսուցիչներէ բաղկացած յորդ բազմութիւն մը ողողուած էր գեղեցկօրէն զարդարուած սրահը։

            Սրահի մուտքին դրուած էր մեծ, պէսպէսուն զարդերով ակնահաճոյ տօնական ծառ մը, իսկ ներսը, բեմին վրայ, դարձեալ զարդարուած տօնական շքեղութեամբ, դրուած էր Յիսուս Մանուկի ծննդեան մսուրը ներկայացնող նորածինի սնարը:

            Ձեռնարկը իր օրհնաբեր հովանաւորութեամբ կը պատուէր Թեմիս Բարեջան Առաջնորդ՝ Գերշ. Տ. Յովնան Արք. Տէրտէրեան, Նորին Սրբազնութիւնը կը ներկայացնէին Թեմիս Շաբաթօրեայ վարժարաններու մարմնի նախագահ՝ Դոկտ. Էլլի Անդրէասեան եւ նոյն մարմնի անդամ՝ Տիկ. Հուրի Քէջումեան։

            Դպրոցի կամաւոր ու թանկագին ուսուցչուհիները, գլխաւորութեամբ համակ նուիրում ու ժր՚աջան տնօրէնուհի՝ Տիկ. Անահիտ Թովմասեան-Խաչատուրեանի մեծ ճիգ եւ աշխատանք տարած էին ներկաներուն անմոռանալի եւ յիշարժան պահեր պարգեւելու համար։

            Տնօրէնուհիին բացման ջերմ եւ սիրալիր խօսքերով ողջունեց ներկաները եւ հրաւիրեց Առաջնորդ Սրբազան Հօր ներկայացուցիչ, մեծավաստակ կրթական մշակ Դոկտ. Էլլի Անդրէասեանն ու Տիկ. Հուրի Քէջումեանը իրենց սրտի խօսքերով սկսելու համար հանդէսը։

            Դոկտ. Անդրէասեան բոլոր ներկաներուն փոխանցեց Առաջնորդ Սրբազան Հօր օրհնութիւնները բոլոր ներկայ ծնողներուն, աշակերտներուն եւ դպրոցի պատասխանատուներուն։ Տիկ. Անդրէասեան մեծապէս գնահատեց դպրոցի պատասխանատուները, աշակերտութիւնը, անոնց ծնողները եւ Իրաքահայերու Ընտանեկան Միութեան ղեկավարները, որոնք 40 տարի անդադար յաջողութեամբ կը տանին հայապահպանման այս սուրբ գործը։ Նմանապէս Տիկ. Հուրի Քէջումեան իր հերթին շնորհաւորելով դպրոցի ուսուցչուհիները, տնօրէնութիւնն ու պատասխանատուները այս կրթական աշխատանքը տանելու համար, շնորհաւորեց բոլոր ներկաներուն Նոր Տարին եւ Ս. Ծնունդը։

            Պաշտօնական այս խօսքերէն ետք սկսան աշակերտութեան կատարումները։ 90 աշակերտ-աշակերտուհիներ երկու խումբերու բաժնուած իրենց ուսուցչուհիներու առաջնորդութեամբ եւ գեղարուեստական բաժնի պատասխանատու՝ Տիկ. Մարիէթա Անասեանի ղեկավարութեամբ 36 համարներէ բաղկացած յայտագիր մը ներկայացուցին՝ արժանանալով ներկաներուն որոտընդոստ ծափահարութեանց։ Արդարեւ խօսք եւ բառ չունինք նկարագրելու համար այս համով-հոտով փոքրիկներուն կատարումները, որոնք ներկայ չափահասներուն անխառն ուրախութիւն պարգեւեցին։

            Պատկերացուցէք օտար ափերու վրայ ծնած, ամերիկեան դպրոց յաճախած 4-14 տարեկան այս փոքրիկները այդ օր մօտ 10 հայկական երգ երգեցին, անոնցմէ ոմանք Տիկ. Մարիէթա Անասեանին յօրինած երգերն են, նոյն այս փոքրիկները այդ օր արտասանեցին  Շիրազէն, Պարոյր Սեւակէն, Համօ Սահեանէն, Աթաբեկ Խնկոյեանէն, Վահան Թէքէեանէն, Մուշեղ Իշխանէն, Ռազմիկ Դաւոյեանէն՝ Նոր Տարուայ, հայրենիքի, հայ մշակոյթի եւ հայ լեզուի նուիրուած բանաստեղծութիւններ՝ արժանանալով ներկաներուն բուռն ծափահարութեանց։

            Վերջաւորութեան խօսք առաւ դպրոցի հոգաբարձութեան ատենապետ՝ Խաչիկ Ճանոյեան։ Ան սրտանց շնորհաւորեց դպրոցի տնօրէնուհի Տիկ. Անահիտ Թովմասեան-Խաչատուրեանը եւ թանկագին ուսուցչական կազմը այս հոյակապ աշխատանքին համար, որ միայն 10 շաբթուայ ընթացքին կրցան գրել-կարդալ սորվեցնելու կողքին  այսքան երգ եւ արտասանութիւններ սորվեցնել։

            Ապա սրահը թնդացնող տօնական երգերով, պարով, ծափերով, նուագով եւ բացագանչութիւններով մուտք գործեց Կաղանդ պապան (Ձմեռ պապիկ)՝  առաստաղէն ձիւնաթերթիկներու հեղեղի մը տակ։ Ձմեռ պապիկը իր գեղեցիկ նուէրները տալէ առաջ, պահ մը լսեց փոքրիկներուն երգերն ու արտասանութիւնները, որոնք խորապէս գոհ ձգեցին Կաղանդ պապան եւ արժանացան անոր բերած նուէրներուն։

            Ձմեռ պապիկին հետ միասին ժողովուրդը հայկական պարեղանակներու եւ երգերու խանդավառ կշռոյթներու տակ մօտ կէս ժամ պարելէ ետք, բոլոր աշակերտները եւ ծնողները սրահէն դուրս ելան Ձմեռ պապիկին հետ նկարուելու համար։

            Ջերմօրէն կը շնորհաւորենք այս վարժարանի բոլոր պատասխանատուները սոյն յիշարժան եւ անմոռանալի ձեռնարկին համար, բոլորին ըսելով՝ ՁԵՐ ՎԱՐՁՔԸ ԿԱՏԱՐ։

 ԽԱՉԻԿ  ՃԱՆՈՅԵԱՆ

 

 

 

Լրահոս - 17 Փետրուար 2020
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։