Հայ
Առաջնորդող
Նամակ Ամերիկայէն. Յամեցող Արշալոյս
Ապրիլ 09 , 2020 , 08:52
Նամակ Ամերիկայէն. Յամեցող Արշալոյս

Գարնանամուտի այս հաճելի եւ պայծառ օրերու սեմին, երբ մարդիկ ծաղիկներ կը ցանեն իրենց տան շուրջ, ընտանիքներ կը պատրաստուին ապրիլեան իրենց արձակուրդին, ծնողք իրենց փոքր զաւակներուն համար զգեստներ կ’ապահովեն Զատկուան եկեղեցական արարողութիւններուն մասնակցելու եւ գունագեղ հաւկիթները կը սպասեն իրենց անբարունակ ճակատագիրին, վիթխարի վիշապ մը մէկ հարուածով զգետնեց ամէն բարի ծրագիր:

            Հետեւաբար, ողջ աշխարհը փոխանակ ցնծութեամբ դիմաւորելու ապրիլեան գարունը, այս պահուն հարկադրուած է դիմակալելու հրէշանման այս աղէտը՝ քորոնա ժահրը: Անկասկած գարնան արշալոյսը պիտի բացուի, սակայն ե՞րբ եւ ի գին ինչի՞: Սակայն յոյսի ծիածանին երեւումը տակաւ կը յապաղի հեռաւոր հորիզոնին վրայ:

            Երբ քորոնա ժահրը հրաբուխի կատաղութեամբ իր թունալից լաւան սփռեց Չինաստանի մէջ անցեալ Դեկտեմբերին, բովանդակ աշխարհը հետաքրքրութեամբ հետեւեցաւ անոր զարգացումներուն:

            Հակառակ Չինաստանի բազմաթիւ ազդարարութիւններուն, արտաքին աշխարհը չզգաստացաւ: Սակայն մահասփիւռ լաւան հրաձիգ իր գլուխը ցցեց նախ Իտալիոյ, ապա Սպանիոյ մէջ, ուր թանկագին ժամանակ վատնուած էր նախապատրաստական միջոցառումներ որդեգրելու: Եւրոպայի մէջ ցարդ աւելի քան 30 հազար մարդիկ կորսնցուցին իրենց կեանքը:

            Դժբախտաբար, ինչպէս Եւրոպան անգիտացաւ Չինաստանի կողմէ յղուած ազդարարութիւնները, Միացեալ նահանգներն ալ պէտք եղած ուշադրութեամբ չսերտեցին Եւրոպայի մէջ բռնկած այս համաճարակը եւ զօրաշարժի չենթարկեցին հանրային կառոյցները եւ պետական վարչամեքենան:

            Նոր Աշխարհի ամենէն ճանաչելի բնակչութեան կեդրոնը՝ Նիւ Եորք, կրեց առաջին շռնդալից մահացու հարուածը:

            Միայն քանի մը օրուայ ընթացքին ամայացած պողոտաներն ու վաճառատուները կենդանի վկան հանդիսացան բնակչութեան սարսափին եւ տուայտանքին: Անորոշութիւնն ու անստոյգ ապագայի մը հեռանկարները ակնթարթի մը մէջ ընկճեցին Նիւ Եորքցիին աննկուն կամքն ու կորովը:

            Դարանակալ այս ոսոխը անտեսանելի է, անգտանելի եւ կը հարուածէ առաջին հերթին տկարը, թէ ֆիզիքական եւ նոյնպէս տնտեսական առումով: Երկար խարխափումէ ետք, երբ Սպիտակ Տունը վերջապէս ընդունեց քորոնա ժահրին լայնածաւալ սպառնալիքը ամերիկացի ժողովուրդին, արդէն երեք միլիոն աշխատաւորներ գործազուրկ դարձած էին: Հետեւաբար այս թիւը յարածուն աճ պիտի արձանագրէ յաջորդող շաբաթներուն:

            Սահման եւ սահմանում չի ճանչնար մահասփիւռ այս համաճարակը: Յատկապէս Նիւ Եորքի եւ ընդհանրապէս Ամերիկայի տարբեր շրջաններուն մէջ, բնակչութիւնը անճրկած է: Ինչպէ՞ս կարելի է պահել եւ պահպանել մարտունակութեան ոգին՝ երբ պետական պատասխանատու անձնաւորութիւններ յարատեւօրէն կը կրկնեն թէ ամենավատ օրերը հասած չեն տակաւին եւ իբրեւ միակ ելք, բնակչութենէն կը պահանջեն իրենք զիրենք պատսպարել իրենց բնակարաններէն ներս: Ո’չ ոք վստահելի նախատեսութիւն մը կը համարձակի ընել թէ ե՞րբ  եւ ինչպէ՞ս այս պատուհասը իր լրումին պիտի հասնի:

            Քանի մը օր առաջ Միացեալ Նահանգներու Ծովուժին պատկանող հսկայ հիւանդանոց շոգենաւ մը խարսխեց Նիւ Եորքի նաւահանգիստին թիւ 9 ծոցին մէջ: Ճերմակ՝ կարմիր խաչերով զարդարուած այս նախկին քարիւղատար super tankerը իբրեւ շարժուն հիւանդանոց, կրնայ աւելի քան հազար հիւանդներ խնամել: Կան 1300 բժշկական անձնակազմ, 12 գերարդիական սարքաւորումներով օժտուած բարդ վիրաբուժական գործողութիւններու սենեակներ եւ մեծամթերք դեղարաններ: Այս շքեղ եւ վիթխարի հսկային ողջունելի մուտքը Նիւ Եորքի նաւահանգիստը, ոգեւորութիւն ստեղծեց Նիւ Եորքցիներու շարքերէն ներս, որոնցմէ հարիւրաւորներ, քաղաքապետին գլխաւորութեամբ, բարի գալուստ մաղթելու համար նաւահանգիստ փութացած էին: Անցեալ շաբաթ, երբ Միացեալ Ազգերու Կազմակերպութեան ընդհանուր քարտուղարը իրազեկ դարձաւ Նիւ Եորքի հիւանդանոցներէն ներս տիրող անհրաժեշտ բժշկական առարկաներու սուր տագնապին, քառորդ միլիոն դիմակներ տրամադրութեանը տակ դրաւ հիւրընկալ քաղաքի իշխանութիւններու:

            Այս պահուն Միացեալ Նահանգներու ընդհանուր բնակչութեան երեք չորրորդը մեկուսացած է իրենց տուներէն ներս, անձկագին սպասելով ներկայ տագնապին վերջնական փուլին: Ինչպէս Նիւ Եորքի նախկին քաղաքապետ եւ  նախագահական ձախող թեկնածու Մայքըլ Պլումպըրկ յայտարարեց «Անկարելի կը գտնեմ կռահել, թէ այս տագնապը ինչպէ՞ս եւ ե՞րբ պիտի յանգի իր վախճանին: Յստակ կերպով կրնամ սակայն հաստատել երբ այս կացութենէն դուրս գանք ոչինչ պիտի գտնենք նախկինին նման»:

            Լոմպարտիէն Լիզպոն, Պէյրութէն Նիւ Եորք եւ այլուր, ճնշուած քաղաքացիներ երբեք աննկատ չեն բժիշկներու, բուժքոյրերու եւ անոնց գործակիցներուն անձնազոհ եւ նուիրական գործին՝ բուժելու եւ խնամելու համաճարակին հիւանդները: Պատշգամներէն եւ հիւանդանոցներու առջեւ գիտակից քաղաքացիներ ծափահարութիւններով, երգերով եւ լոյսի խաղերով իրենց խոր երախտագիտութիւնը կը յայտնեն այս լուռ հերոս-հերոսուհիներուն:

            Մեծն Բրիտանիոյ վարչապետ Պորիս Ճոնսըն երբ Չըրչիլեան ոճով կոչ ըրաւ իր քաղաքացիներուն, կամաւորագրուելու այս համաճարակին դէմ մղուող մարտին, անհաւատալիօրէն 750 հազար անձեր իրենց պատրաստակամութիւնը յայտնեցին: Եւ այս, հակառակ այն իրողութեան որ Մեծն Բրիտանիոյ Առողջապահութեան նախարարութեան բարձրագոյն պաշտօնատարը յայտարարեց թէ իր երկիրը կրնայ իր բնականոն կեանքը վերագտնել նուազագոյնը վեց ամիսէն, եթէ անակնկալ բարդութիւններ չյայտնաբերուին:

            Քորոնա ժահրը երբ սկսաւ իր ճիրանները ցայտուն կերպով բացայայտել Միացեալ նահանգներու մէջ, նախագահ Թրամփ ինքզինք յայտարարեց «Պատերազմական նախագահ»:

            Ամերիկայի ժամանակակից պատմութեան մէջ նախագահական նման յորջորջում մը եզակի երեւոյթ մը չէ երբեք:

            Ուրեմն «պատերազմ» բառը զրկուած է իր իսկական նշանակութենէն: Այսպէս, սկսելով 1964-էն նախագահ Լինքըն Ճոնսըն «պատերազմ թշուառութեան դէմ» յայտարարեց, տնտեսական հաւասարութիւն բերելու մտադրութեամբ Ամերիկայի վարի խաւին: 1971-ին նախագահ Ռիչըրտ Նիքսըն թմրեցուցիչի գործածութիւնը «թիւ մէկ թշնամի» հռչակեց եւ «պատերազմ» թմրեցուցիչներու դէմ» յայտարարութիւն ըրաւ: 2001 թուականին նախագահ Ճորճ Պուշ կրտսեր «Պատերազմ» Ահաբեկչութեան դէմ» կարգախօսը ծամոցի նման կրկնեց: Հոս կ՛արժէ յիշեցնել, թէ նախագահ Թրամփ իշխանութեան հասաւ ամերիկայի ժողովուրդին խոստանալով վերջ տալ բոլոր պատերազմներուն, տուն բերելով զինուորները օտար երկիրներէ:

            Այսօր աշխարհը կլանող այս աղէտը կ’ապացուցանէ մարդկային ներկայ քաղաքակրթութեան որքան խոցելի ըլլալու: Գերարդիական զէնքերով օժտուած Միացեալ նահանգները անզօր՝ կքած է մահացու այս մարտահրաւէրին ընդառաջ: Մեր մոլորակին սպառնացող այս պատուհասը յաջող կերպով կարելի է դիմակալել երկիրներու միջեւ ստեղծելով համագործակցութիւն եւ գիտական հետազօտութիւններու ներդաշնակութիւն այս համաճարակին պատուաստը գտնելու համար: Յուսադրիչ երեւոյթ մըն էր արդարեւ երբ Երկուշաբթի, Մարտ 30ին, Սպիտակ Տան պաշտօնական բանբերը յայտնեց թէ նախագահ Թրամփ հեռաձայնային խօսակցութիւն մը ունեցած է իր Ռուս պաշտօնակից Փութինի հետ: Անոնք կարծիքներու փոխանակումներ ունեցած են իրենց երկիրներուն մէջ տիրող Քորոնա Ժահրի պայմաններուն եւ այս տագնապի աւարտին միջազգային տնտեսութիւնը վերաշխուժացնելու միջոցառումներուն շուրջ:

 ՆԵՐՍԷՍ ՊԱՊԱՅԵԱՆ

Լրահոս - 06 Յունիս 2020
Սիւնակագիրներ
Հրաչ Սեփեթճեան Ծնած է 1969-ին, Պէյրութ, Լիբանան։Կիպրոսի ՀԲԸՄ Մելգոնեան Կրթական Հաստատութիւնը աւարտած է 1987-ին։Երեւանի Պետական Համալսարանի Հայկական Բանասիրական բաժանմունքէն շրջանաւարտ ՝1994-ին։1980-ական թուականներէն կ՚աշխատակցի «Զարթօնք»ին եւ ապա՝ «Նոր Օր»ին։1994-2000 օգնական խմբագիր «Զարթօնք»ի։1993-էն ի վեր հայոց լեզուի, գրականութեան, պատմութեան եւ մշակոյթի ուսուցիչ Լիբանանի եւ Լոս Անճելըսի մէջ։Լիբանանի եւ Լոս Անճելըսի մէջ եղած է եւ է գործօն անդամ ՀԲԸՄ-ի, ԹՄՄ-ի եւ ՌԱԿ-ի շրջանակներէն ներս, վարելով զանազան պաշտօններ։Ներկայիս՝ ՀԲԸՄ Մանուկեան-Տէմիրճեան վարժարանի Հայերէնի Բաժանմունքի վարիչ։ «Նոր Օր»ի խմբագիր՝ Մարտ 2016-էն։  
Վաչէ Սեմերճեան Ծնած է 1938-ին, Պէյրութ, Լիբանան։ Շրջանաւարտ ՀԲԸՄ Յովակիմեան-Մանուկեան վարժարանէն եւ Պէյրութի Ամերիկեան Համալսարանէն՝ որպէս քիմիագէտ։ Շրջան մը եղած է ուսուցիչ Կիպրոսի Մելգոնեան Կրթական Հաստատութենէն ներս։ Ապա, վկայուելով որպէս կաշուեմշակութեան վարպետ, տասը տարի  կը գործուղղուի Եթովպիա եւ Աֆղանիստան։ 1976-ին կը հաստատուի Միացեալ Նահանգներու արեւմտեան ափ, գործօն անդամ դառնալով ԹՄՄ-ի եւ ՌԱԿ-ի։ Կաշուեմշակութեամբ աշխատելէ ետք, կը հրաւիրուի Հոլիվուտի ԹՄՄ Արշակ Տիգրանեան վարժարան, դասաւանդելու համար հայագիտական նիւթեր։ Հանգստեան կը կոչուի 2009 թուականին։1956-էն ի վեր կ՚աշխատակցի ռամկավար ազատական մամուլին։ 1977-էն առ այսօր ծաւալուն գործունէութիւն ունեցած է «Նոր Օր»էն ներս որպէս խորհրդական եւ ղեկավար։  Վեց տարի եղած է պատասխանատու խմբագիրը «Նոր Օր» շաբաթաթերթին։Վաչէ Սեմերճեան հեղինակ է չորս հատորներու. «Ապրուած սփիւռքը», «Յիշատակելի դիմաքանդակներ», եւ «Լուսարձակին տակ» Ա. Եւ Բ. հատորներ։ 
Յակոբ Մարտիրոսեան   Ծնած է Սուրիոյ Արաբ-բունար գիւղաքաղաքը 1943 թուականին։ 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին։ Նոյն տարին, քաղաքական աննպաստ պայմաններու հետեւանքով ընտանեօք վերադարձած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ։ Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ։ 1976-ին հաստատուած է Լոս Անճելըս, Միացեալ նահանգներ, ուր շարունակած է աշխատիլ արհեստավարժ  ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։Հանգստեան կոչուած է 2012 թուականին։ Յակոբ Մարտիրոսեան անդամակցած է Ռամկավար Ազատական Կուսակցութեան, ՀԲԸՄ-ին եւ Թէքեան Մշակութային Միութեան, 1958 թուականէն սկսեալ, Հալէպի մէջ, Սուրիա։ Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիրը Անթիլիասի ՌԱԿ Յովսէփեան ակումբին։  Լոս Անճելըսի մէջ, շարունակած է իր միութենական եւ կուսակցական  աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի, եւ «Նոր Օր» շաբաթաթերթի խմբագիրի պաշտօնը 2011 թուականէն մինչև Մարտ 2016 թուականը:  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Խաչիկ Ճանոյեան Ծնած է Մուսուլ, Իրաք։ Շատ փոքր տարիքէն կը կորսնցնէ մայրն ու հայրը։ 1956-ին  կը տեղափոխուի Պաղտատ։ 1966-ին կ՚աւարտէ Պաղտատի պետական համալսարանը, վկայուելով լեզուագիտական գոլէճի սպաներէնի բաժինէն։Պաղտատի մէջ եղած է գործօն անդամ ՀԲԸՄ-ի։ 1968-ին անցնելով Պէյրութ հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն կը զբաղի ուսուցչութեամբ։ Նոյն տարին կ՚անդամագրուի ՌԱԿ-ին։ 1972-ին կը վերադառնայ Պաղտատ, որպէս հայերէնի ուսուցիչ։ Յաջորդ տարի կ՚անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը եւ միութեան «Լուսաբաց» եռամսեայի խմբագրութիւնը։ Հիմնադիրներէն է Մարի Մանուկեան վարժարանին։1975-էն ի վեր կ՚ապրի եւ կը գործէ Լոս Անճելըսի մէջ։ Եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ։ Կ՚աշխատակցի սփիւռքահայ մամուլին։Ճանոյեան շատ գործօն տարր մըն է Լոս Անճելըսի մէջ։  Հիմնադիրներէն է եւ ատենապետը Իրաքահայերու Միութեան։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք։35 տարի շարունակ հիմնած եւ ղեկավարած է Հայ Ընտանեկան Շաբաթօրեայ վարժարանը։ Մեծապէս նպաստած է գաղութահայ մշակութային եւ գրական կեանքին, եկեղեցական կեանքին եւ պարգեւատրուած է բազմաթիւ շքանշաններով եւ պատուոյ գիրերով։ Ամուսնացած է, ունի երեք զաւակ եւ հինգ թոռնիկ։
Մինաս Գոճայեան Ծնած է Պէյրութ, 1946-ին։ Յաճախած է ՀԲԸՄ Յովակիմեան-Մանուկեան վարժարանը, ապա հետեւած է լեզուի եւ գրականութեան դասընթացքներու Փարիզի մէջ եւ աւարտած՝ Երեւանի Պետական Համալսարանի Բանասիրական ճիւղը, միաժամանակ հետեւելով հնագոյն պատմութեան եւ հնագիտութեան դասընթացքներու։ Դոկտորական աստիճան կը ստանայ 1980-ին։Հայոց լեզու, գրականութիւն, պատմութիւն եւ մշակոյթ դասաւանդած է Կիպրոսի Մելգոնեան Կրթական Հաստատութենէն եւ Լոս Անճելըսի ՀԲԸՄ Մանուկեան-Տեմիրճեան վարժարանէն ներս։ Աշխատակցած է եւ կ՚աշխատակցի սփիւռքահայ մամուլին։ Եղած է «Նոր Օր» շաբաթաթերթի պատասխանատու խմբագիր։ Անգլիատառ AIM-ի հիմնադիր-խմբագիրներէն է եւ ներկայիս մաս կը կազմէ Keghart.com-ի խմբագրութեան եւ պատասխանատու խմբագիրն է Երուսաղէմի «Սիոն» պաշտօնաթերթին։Խմբագրած եւ պարզեցուցած է հայ դասական գրողներու գործեր, նաեւ հեղինակ է հայոց լեզուի եւ պատմութեան դասագիրքերու։ Խմբագիրն է «Պատմութիւն Չորք-Մարզպանի» յուշամատեանին։  
Գէորգ Քէօշկէրեան Ծնած է Երուսաղէմ և վեց տարեկանին ընտանիքին հետ փոխադրուած է Հալէպ։ Ուսման բարձրագոյն վկայականը եղած է Մաքիստրոս Արուեստից Տիտղոս՝ Անգլերէն լեզուի ուսուցման մէջ, Պէյրութի Ամերիկեան Համալսարանէն։ 1976-ին հաստատուած է Լոս Անճելըս և 1980-ին ամուսնացած է Սիլվա Տագէսեանի հետ ու բախտաւորուած երկու զաւակներով՝ աղջիկ մը և մանչ մը։ 2009-ին հանգստեան կոչուած է 25 տարիներու ծառայութենէ մը ետք՝ Լոս Անճըլոսի դպրոցական միացեալ ցանցին մէջ, ինը տարի որպէս ուսողութեան ուսուցիչ և 16 տարի որպէս փոխ-տնօրէն։ Անդամ է Թէքէեան Մշակութային Միութեան Միացեալ Նահանգներու և Գանատայի Կեդրոնական Վարչութեան։  
Սարգիս Մինասեան Ծնած է Դամասկոս, Սուրիա՝ 1933-ին: Ընտանեօք Լիբանան փոխադրուելով, շրջանաւարտ կը դառնայ ՀԲԸՄ Յովակիմեան-Մանուկեան վարժարանէն 1953-ին: Ապա՝ Պէյրութի Ամերիկեան Համալսարանէն ստանայ Պսակաւոր Արուեստից տիտղոսը Եւրոպայի արդի պատմութեան մէջ:Շուրջ երեսուն տարի եղած է ՀԲԸՄ-ի Լիբանանի վարիչ-տնօրէն, վարելով ՀԲԸՄ-ի գործերը: Պատասխանատու պաշտօններ ստանձնած է մշակութային եւ մասնաւորաբար թատերական կեանքէն ներս: ՀԲԸՄ-ի «Խօսնակ» պաշտօնաթերթի խմբագիր՝ 1964-74:1986-ին կը հաստատուի Լոս Անճելըս, դառնալով «Նոր Օր»ի խմբագիր մինչեւ 1990: Մինասեան կը մնայ գլխաւոր սիւնակագիրներէն մէկը «Նոր Օրի: 1992-էն ի վեր լոյս կ'ընծայէ Չորք-Մարզպանի հայրենակցական միութեան «Տեղեկատուն»:Լիբանանի քաղաքացիական պատերազմին մասին լոյս ընծայած է «Մայրիներու երկրին աւերակումը» հատորը 2003-ին: Ունի բազմաթիւ թարգմանութիւններ: 13 տարի եղած է հանրային վարժարանի մը գրադարանապետը:Լոս Անճելըսի մէջ կը շարունակէ գործօն իր դերը ՀԲԸՄ-էն եւ Չորք-Մարզպանի (Տէօրթ-Եօլ) հայրենակցական միութենէն ներս, որուն հիմնադիրներէն է եւ ատենապետը՝ 2012-էն ի վեր:
Արա Ահարոնեան Ծնած է Թրիփոլի, Լիբանան։ Նախնական ուսումը ստացած է Պէյրութի ՀԲԸՄ-ի Յովակիմեան-Մանուկեան երկրորդական վարժարանին մէջ։ Լիբանանի քաղաքացիական պատերազմին հետեւանքով, 1976-ին կը տեղափոխուի Միացեալ Նահանգներ եւ կ՚աւարտէ Քալիֆորնիոյ համալսարանի Էլէքթրոնիք ճարտարագիտութեան բաժինը։ Անդամ է ՌԱԿ-ի եւ երիտասարդական տարիներէն մինչ օրս վարած է եւ կը վարէ պատասխանատու պաշտօններ կուսակցութենէն եւ Թէքէեան Մշակութային Միութենէն ներս։ «Նոր Օր» պաշտօնաթերթի երկարամեայ աշխատակից։Ահարոնեան գործօն տարր մըն է լոսանճելըսահայ կեանքէն ներս, ներկայացնելով ՌԱԿ-ը համագաղութային ծրագիրներու մէջ։ Հեղինակ է Հայաստանի, Արցախի եւ Ռամկավար Ազատական Կուսակցութեան նուիրուած հատորներու։ Ներկայիս կը պաշտօնավարէ ապահովագրական ընկերութեան մը մէջ, որպէս ծրագրող-խորհրդատու։